د پکتیا او خوست ولایتونو د زندانونو مسوولینو غوره فعالیتونه وستایل شول
د زندانونو چارو د تنظیم ادارې نظامي مرستیال محترم لوی پاسوال الحاج محمد کاظم "طارق" د پکتیا ولایت د زندان رئیس محترم قاري عبدالغني "عادل" او د خوست ولایت د زندان امر محترم مولوي ذبیح الله "طلحه" د خپلو دندو په بېلابېلو برخو کې د اغېزمنو لاسته راوړنو او فعالیتونو له امله وستایل.
محترم لوی پاسوال الحاج محمد کاظم طارق د یادو زندانونو مسؤلینو هڅې د محکماتي بندیانو د منظمې طبقهبندۍ، د زندانیانو د ښوونې او روزنې د پروګرامونو د پیاوړتیا او همدارنګه د زندانونو د چارو د لا ښه تنظیم په برخه کې ارزښتمنې وبللې او د هغوی د ترسره شویو فعالیتونو ستاینه یې وکړله.
د زندانونو چارو د تنظیم ادارې نظامي مرستیال وویل، د بندیانو سمه طبقهبندي، د تعلیمي او روزنیزو پروګرامونو پراختیا او د زندانونو د چارو اغېزمن تنظیم د اصلاح او روزنې بهیر د پیاوړتیا لپاره مهم ارزښت لري، چې په دې برخه کې د پکتیا او خوست زندانونو مسؤلینو د پام وړ کار کړی دی.
په پای کې، د پکتیا او خوست ولایتونو زندانونو مسوولینو د ادارې د مشرتابه له ملاتړ څخه مننه وکړله او ډاډ یې ورکړ، چې د سپارل شویو مسوولیتونو د لا ښه ترسره کولو لپاره به خپلو هڅو ته دوام ورکړي.
ذوالحجة الحرام ۲۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
