د بامیان ولایت د زندان د زندانیانو لپاره د یو جومات د بیا رغونې چارې بشپړې او ګټې اخیستنې ته وسپارل شو
د بامیانو ولایت د زندان رئیس محترم مولوي عبدالرحیم "احمد" وايي، د نوموړي جومات د بیا رغونې او رنګولو چارې چې څه موده وړاندې پیل شوې وې، نن(چهارشنبې) پایته ورسېدې.
د هغه په وینا، له یاد جوماته به د دغه زندان د زندانیانو لپاره د لمونځ کولو ترڅنګ، د ځینو دیني درسونو او اصلاحي بیانونو لپاره هم ګټه واخیستل شي.
د یادونې وړ ده، چې د زندانونو چارو د سمون اداره هڅه کوي، څو د دې ادارې اړوند په ټولو زندانونو کې زندانیانو ته د اسانتیاوو د زیاتولو سربېره، د اصلاح او روزنې پروګرامونو لمن لا نوره هم پراخه کړي.
شوال المکرم ۱۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
