د زندانونو چارو د سمون ادارې د ګومارنو، تشکيلاتو او د چارو د تنظيم په کمېسیون کې د اړتیا له مخې د پرونۍ ناستې پر دوام د دې ادارې پر یو شمېر حقوقي او تخنيکي مسایلو بحث اوخبرې اترې وشوې
ياده ناسته، چې نن(پنج شنبې) د دغه کمېسیون د رئیس او د ادارې د پالېسۍ او مسلکي چارو مرستيال محترم قاري عبدالله "همدرد" په مشرۍ او د نظامي چارو مرستیال محترم لوی پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي مالي "اخندزاده"، د نظامي چارو د معاونیت د ارکان رئیس محترم پاسوال الحاج اسدالله "مولانا" او د کمېسیون د یو شمېر غړو رئیسانو په ګډون جوړه شوې وه، په کې د مرکز او یو شمېر ولايتونو د زندانونو پر حقوقي او تخنیکي مسایلو او مشکلاتو بحث او خبرې اترې وشوې چې په اړه یې د ادارې د رهبرۍ له لوري د شرعي اصولو او تقنیني اسنادو په رڼا کې پریکړې وشوې.
داراز، په دې ناسته کې د ځینو نورو اړتیا وړ مهمو موضوعاتو په هکله هم بحث وشو او په دې تړاو اړوندو مسوولینو ته لازمې لارښوونې وشوې.
د یادونې وړ بولو، چې د نوموړي کمېسیون د رامنځته کېدو موخه د ادارې د تشکيلاتو، ګومارنو او د چارو د سمون او مربوطه مهمو مسایلو څېړل، بحث او د شرعي اصولو او نافذه قوانینو په رڼا کې پرېکړې کول دي.
ربیع الاول ۲۰/ ۱۴۴۵
د مقام د دفتر ریاست
د اطلاعاتو او عامه اړیکو امریت
