ولایتي خبرونه (بدخشان- پکتیا) د بدخشان ولایت په زندان کې یو شمېر رغنيزې چارې پیل شوې
ولایتي خبرونه (بدخشان- پکتیا)
د بدخشان ولایت په زندان کې یو شمېر رغنيزې چارې پیل شوې
د زندانونو چارو د سمون ادارې د رهبرۍ په هڅو او د هېواد زندانونو ته د پاملرنې په لړ کې دا ځل د دغې ادارې له خوا د بدخشان ولایت د زندان د ودانۍ د یو شمېر دروازو او الماریو ترمیم او رنګمالۍ ترخوا د څلور ټاورونو، تشنابونو او یو شمېر نورو برخو ترمیم او رغونه شامله ده، د جوړولو چارې پیل شوې.
د بدخشان ولایت د زندان مسوولینو په وینا، یاده اداره هڅه کوي چې زندانیاتو ته د ښه خدمت په موخه د ادارې پرسونل ته لازمې اسانتیاوې برابرې کړي څو وکولی شي په مناسبه فضا کې خپلې کاري چارې مخته یوسي.
د یو بل خبر له مخې، د پکتیا ولایت د مرافعې محکمې رئیس په مشرۍ پلاوي د دې ولایت د زندانه د لیدنې ترڅنک د یاد زندان مسوولینو سره د زندانیانو محکماتي چارو او د دوسیو په اړه خبرې وکړې.
داراز پلاوي د پکتیا ولایت د زندان د بندیانو خونو ته ولاړ او هلته یې له بندیانو سره په کتنه کې، د هغوی محکماتي چارو او دوسیو په اړه ستونزې او غوښتنې ترې واورېدې او د ژر څېړلو په موخه یې د دغه زندان مسوولینو سره لازمې مشورې وکړې.
ربیع الاول ۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
