ولایتي خبر(سرپل) د سرپل ولایت د زندان سره اکتید موسسې له لورې د حفظ الصحې او اړتیا وړ توکو مرسته وشوه
یاده مرسته، د زندانونو چارو د سمون ادارې د اقتصادي برنامو او ستراتېژیکو اړیکو ریاست سره په همغږۍ او د یاد ولایت د کار او ټولنیزو چارو ریاست په همکارۍ د اکتید موسسې له لورې د سرپل ولایت د زندان د ښځینه محبس له محبوسینو او محجوزینو سره چې د کالیو منځلو پودر، شامپو، د غاښونو کریم او برسونه، صابون، ځان پاک او د اړتیا وړ نور توکي شامل ول، د یادې ولایت په ښځینه محبوسین او محجوزینو باندې ووېشل شوه.
د دې زندان امر محترم ملا ګل محمد " بلخي" د نوموړې موسسې څخه د مننې ترڅنګ، یادې مرستې اړینې وبللې او ترڅنګ يې په نورو کورنیو او نړیوالو بنسټونو هم غږ وکړ چې له دوی سره خپلو مرستو او همکاریو ته دوام ورکړي.
جمادي االثاني۶/ ۱۴۴۷
د مقام د دفتر ریاست
د اطلاعاتو او عامه اړیکو امریت
