د کابل ولایت د مرکزي محبس رئیس د سره صلیب نړیوالې کمېټې له پلاوي سره وکتل
د څرخي پله مرکزي محبس رئیس محترم الحاج عبدالمالک "خاکسار" د افغانستان لپاره د سره صلیب نړیوالې کمېټې له پلاوي سره په خپل کاري دفتر کې ولیدل.
داراز، د دې کتنې پرمهال د یادې کمېټې پلاوي په خپلو خبرو کې وویل چې د راتلو موخه مو له یاد محبس سره د تېرو حفظ الصحي او ژمنیو توکو د کیفیت او کمیت ارزونه ده او هيله یې څرګنده کړله چې په دې ارزونه کې ورسره پوره همکاري وشي.
دغه راز، د کابل ولایت د مرکزي محبس رئیس نوموړي پلاوي ته ډاډ ورکړ، چې د دوی مرسته شوي توکي تل په پوره شفافیت او روڼه توګه پر ښځينه او نارینه محبوسینو ویشل کېږي او زیاته یې کړله چې په دې ارزونه کې به ورسره د همکارۍ زمینه برابره کړي.
د یادولو ده، چې د سره صلیب نړیواله کمېټه د زندانونو چارو د سمون ادارې له همیشنیو مرسته کوونکو او همکارو بنسټونو څخه ګڼل کېږي، چې زندانیان یې تل له مرستو برخمن شوې دي.
شوال المکرم ۱۴/ ۱۴۴۶
د مقام د دفتر ریاست
د اطلاعاتو او عامه اړیکو امریت
