د میدان وردګ ولایت د نرخ ولسوالۍ توقیفخونه فعاله او ګتې اخیستنې ته وسپارل شوه
د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه او اړتیا ته په کتو سره سم، د میدان وردګ ولایت د نرخ ولسوالۍ توقیفخونه د دې ولایت د مسوولینو په هڅو فعاله او د یو لړ مراسمو په ترڅ کې ګټې اخیستنې ته و سپارل شوه.
په ورته وخت کې د یاد ولایت د زندان امر محترم مولوي صلاح الدین په خپلو خبرو کې وویل چې نوموړې توقیفخونه په معیاري ډول جوړه شوې او د بریښنا او د اوبو رسولو منظم سیستم په لرلو سره د یادې توقیفخونې پرسونل او توقیفیانو لپاره لازمې اسانتیاوې ورته برابرې شوي دي.
داراز، نوموړي زیاته کړه چې د یادې توقیفخونې فعالیدو سره تر ډیره بریده به د یادې ولسوالۍ د توقیفیانو ستونزې هوارې او چارو ته به یې پر وخت رسېدنه کیږي.
ذوالقعدة الحرام ۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
