د غور ولایت د زندان د نظامي مدیر په مشرۍ پلاوي د دې ولایت د یو شمېر ولسوالیو له توقیفخونو څخه لیدنه وکړه
د غور ولایت د زندان د نظامي مدیر محترم ملا شمس الدین "حکمت" په مشرۍ پلاوي یې تېره ورځ د نوموړي ولایت د شهرک، تیورې، پساوند، ساغر، تولک، دولت یار، لعل سرجنګل او چهار سدې ولسوالیو له توقیفخونو څخه د لیدنې پرمهال د یادو توقیفخونو مسوولینو ته زیاته کړه چې له توقیفیانو سره ښه چلند، ستونزو ته یې په وخت رسېدنه او د هغوی د حقونو په رعایتولو کې جدي پاملرنه وکړي.
دا راز، پلاوي د نوموړو ولسوالیو توقیفخونو له توقیفیانو سره هم ولیدل او هغوی په خپلو خبرو کې د مسوولینو له خوا د ښه چلند او برابرو شویو اسانتیاوو له امله د مننې ترڅنګ، ځینې مهمې غوښتنې لرلې، چې د پلاوي له لورې د هغوی دې غوښتنو ته د رسېدنې ژمنه وشوه.
جمادي الثاني ۳/ ۱۴۴۵
د مقام د دفتر ریاست
د اطلاعاتو او عامه اړیکو امریت
