د زندانونو چارو د سمون ادارې يوه پلاوي د کابل ولایت د سروبي ولسوالۍ له توقیفخونې لیدنه وکړه
د زندانونو چارو د سمون ادارې د عمومي رئیس محترم مولوي محمد يوسف "مستري" په سپارښتنه، د یاد ولایت د توقیفخونو عمومي مدیر په مشرۍ پلاوي د کابل ولایت د سروبي ولسوالۍ له توقیفخونې څخه د لیدنې په ترڅ کې له مسوولینو سره په اړوندو چارو بحث وکړ.
په ورته وخت کې، پلاوي د نوموړې توقیفخونې له توقیفیانو سره هم لیدلي او د هغوی د خوړو (اعاشې) اباتې، پخلنځي، تعمیراتي او روغتیايي چارو وضعیت ارزولی او د ستونزو حلولو او لازمو اسانتیاوو برابرولو په اړه يې معلومات راټول او له هغوی سره یې ژمنه کړې ، چې د زندانونو چارو د سمون ادارې رهبرۍ سره یاده موضوع شریکوي، څو په مرکز کې د اصولو په مطابق ورته حل لاره پیدا او په اړه یې اړوند اجرات وشي.
رمضان المبارک ۱۶/ ۱۴۴۵
د مقام د دفتر ریاست
د اطلاعاتو او عامه اړیکو امریت
