د زندانونو چارو د سمون ادارې يوه پلاوي د بدخشان، تخار، کندز، بلخ، فاریاب، بغلان، جوزجان، سمنګان او سرپل ولایتونو له زندانونو څخه لیدنه وکړله
د زندانونو چارو د سمون ادارې د عمومي رئیس محترم الحاج مولوي محمديوسف "مستري" په سپارښتنه له ولایتونو سره د اړیکو رئیس محترم مولوی عبدالفتاح "فاتح" په مشرۍ او له ولایتونو سره د اړیکو امر محترم قاري عبدالرحیم "مدني" په ملتیا پلاوي د تخار، بدخشان او کندز ولایتونو ته د سفر پرمهال په جلا جلا توګه د یادو ولایتونو له زندانونو څخه لیدنه وکړله او له مسوولینو او پرسونل سره یې د نوموړو زندانونو پرتخنیکي او نورو اړوندو چارو بحث او خبرې وکړې.
دغه راز، د محترم قاري عبدالرحیم "مدني" په مشرۍ پلاوي د بلخ، فاریاب، بغلان، بلخ، جوزجان، سمنګان او سرپل ولایتونو له زندانونو څخه لیدنه وکړله او له مسوولینو سره یې په اړوندو موضوعاتو خبرې وکړې.
همداشان، دغه پلاوي د نوموړو زندانونو د خوړو، برېښنایي او یو شمېر نورو اسانتیاوو برابرولو او روا غوښتنو ته د رسېدنې په اړه معلومات راټول او ژمنه یې وکړله، چې د زندانونو چارو د سمون ادارې رهبري به پرې خبروي، څو یې په مرکز کې حل لاره پیدا او په اړه یې مناسبه پرېکړه وشي.
شوال المکرم ۲۴/ ۱۴۴۶
د مقام د دفتر ریاست
د اطلاعاتو او عامه اړيکو امریت
