د زندانونو چارو د سمون ادارې د نظامي چارو مرستیال په مشرۍ پلاوي له مرکزي محبس، د کابل ولایت توقیفخونې او د ادارې ۵۰ بستریز روغتون څخه لیدنه وکړه
محترم لوی پاسوال قاري حبیب الله "بدر" په داسې حال کې چې د مقام دفتر رئیس عبیدالله "اخلاص" د خوشې شویو بندي مجاهدینو د ستونزو د حل رئیس محترم ملا محمد نور "بلال شاهین" د مالي او حسابي رئیس محترم مشعل "حکمت" او یوشمېر مسوولین هم ورسره وو، د کابل ولایت له توقیفخونې څخه لیدنه وکړه او هلته یې اړوندو مسوولینو سره د ځینو ستونزو پر حل لارو خبرې اترې وکړې.
تر هغې وروسته، محترم بدر او مل پلاوي د توقیفخونې د پایوازۍ بهیر له نږدې وڅاره او اړوندو مسوولینو ته یې دنده وسپارله، څو په دغه بهیر کې ستونزې حل او لا زیاتې اسانتیاوې ورته برابرې کړي.
داراز، پلاوي د نوموړي زندان له توقیفیانو سره په کتنه کې د هغوی د خوړو (اعاشې)، اباتې، پخلنځي او روغتیايي چارو وضعیت ارزولی او د ستونزو حلولو، لازمو اسانتیاوو برابرولو او روا غوښتنو ته د رسېدنې په اړه يې معلومات راټول او له هغوی سره یې ژمنه وکړه چې غوښتنو او ستونزو ته به یې په وخت رسېدنه وشي.
همدا راز، د زندانونو چارو د سمون ادارې نظامي مرستیال د ادارې ۵۰ بستریز روغتون ته ولاړ او هلته یې د بستر شویو ناروغانو پوښتنه وکړه او اړوندو روغتیايي مسوولینو ته یې لارښوونه وکړه چې د نوموړو ناروغانو په درملنه کې د خپلو ټولو امکاناتو څخه په ګټې اخیستنه کې له هیڅ راز هلو ځلو څخه دریغ ونه کړي.
ربیع الاول ۱۰ / ۱۳۴۵
د مقام د دفتر ریاست
اطلاعاتو او عامه اړیکو امریت
