د زندانونو چارو د تنظیم ادارې نظامي مرستیال د مرکزي برخو نظامي مسوولینو سره د چارو د لا ښوالي په موخه د همغږۍ ناسته ترسره کړله
په ياده ناسته کې، د زندانونو چارو د تنظیم ادارې نظامي چارو مرستیال محترم لوی پاسوال الحاج محمد کاظم"طارق په داسې حال کې، چې د دغې ادارې د نظامي چارو معاونیت د ارکان رئیس محترم پاسوال الحاج اسدالله "مولانا"، د کشف او اوپراتېفي رئیس محترم مولوي عبدالطیف"سجاد"، د قرارګاه د امنيتي قطعې قوماندان محترم مل پاسوال مولوي سید محمد "مسلم"، د نظامي ښوونې او روزنې قوماندانۍ قوماندان محترم مل پاسوال مولوي نورالله "دروېش" او یو شمېر نورو امنیتي مسوولينو هم ګډون کړی وه، زندانیانو ته د لا ښه امنیت د ټینګښت، سالم او خوندي چاپېریال برابرولو سربېره په یو شمېر نورو امنیتي مسایلو بحث او خبرې اترې وکړلې.
داراز، نظامي مرستیال خپلو خبرو په ترڅ کې وویل؛ د ښې همغږۍ او اغېزناکو امنیتي تدابیرو په رامنځته کولو سره کولی شو چې په ګډه د زندانونو او زندانیانو د امنیت د لا خونديتوب لپاره کار وکړو.
همداشان، په یاده ناسته کې يو شمېر امنيتي مسوولينو خپلو کاري کړنو او لاسته راوړنو او د ځينو اړتیاوو يادونه وکړله، چې د نظامي مرستیال له خوا ورته په یادو برخو کې د رسېدنې ډاډ ورکړل شو.
په پای کې، د زندانونو چارو د تنظیم ادارې نظامي چارو مرستیال محترم لوی پاسوال الحاج محمد کاظم"طارق د امنيتي مسوولينو او پرسونل ترمنځ د کارونو لا ښه پرمختګ، د پوره همغږۍ او همکارۍ پر زیاتولو ټینګار وکړ او اړوندو مسوولینو ته یې لازمې لارښوونې وکړې.
جمادي الاول ۲۸/ ۱۴۴۷
د مقام د دفتر ریاست
د اطلاعاتو او عامه اړیکو امریت
