د غزني ولایت د عدلي، کشفي او امنيتي برخو استازو د دغه ولایت له زندانه لیدنه وکړه
د ا.ا.ا د سترې محکمې په لارښوونه، د غزني ولايت د استيناف محکمې رئیس، داستخباراتو او امنيه قومندانۍ د استازو په ګډون يوه پلاوي په داسې حال کې، چې د دې ولایت د مرکزي زندان رئيس هم شتون درلود، له ياد زندان څخه ليدنه وکړه.
په دې ليدنې کې، د بنديانو د برخليک روښانه کولو او جرمي دوسيو ته د پروخت رسېدنې په اړه بحث او مناسبې حللارې ولټول شوې.
په ورته وخت کې، ياد پلاوي د غزني د زندان له بنديانو سره هم وکتل او هغوی ورسره د نورو مسايلو ترڅنګ، د دوی د دوسيو څېړلو او محاکماتي چارو د چټکتيا په هکله غوښتنې شریکې کړې، چې د پلاوي له خوا دې غوښتنو ته يې د رسېدنې ډاډ ورکول شو.
جمادي الاول ۱۰/ ۱۴۴۴
د اطلاعاتو او عامه اړيکو رياست
