د زندانونو چارو د سمون ادارې رهبرۍ پلاوي د سترې محکمې له پلاوي سره ولیدل
د زندانونو چارو د سمون ادارې د پالیسۍ او مسلکي چارو مرستیال محترم قاري عبدالله "همدرد" په داسې حال کې چې د ادارې له عدلي او قضایي اورګانونو سره د اړیکو رئیس محترم مولوي عبدالله "حقیق" او د پالېسۍ او مسلکي چارو معاونیت د دفتر امر خلیل الله "بکتاش" هم ورسره وو، د سترې محکمې د مرکزي تفتیش له رئیس محترم مفتي عبدالولي "صدیقي" او مل پلاوي سره په خپل کاري دفتر کې د دې لیدنې پرمهال، د زندانیانو د جرمي دوسیو د څېړلو بهير پر چټکوالي او برخلیک روښانه کولو په تړاو خبرې اترې وکړې.
داراز، له سترې محکمې څخه راغلي پلاوي په ياده برخه کې د مرستې ډاډ ورکړ او زیاته یې کړه چې په نږدې راتلونکې کې به يو بل با صلاحیته پلاوی وټاکي او ډېرژر به دې ستونزې ته د حل مناسبه لار پيدا کړي.
ربېع الاول ۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
