د زندانونو چارو د سمون ادارې په مرکزي نظامي برخه کې نوې ګومارنې ترسره شوې
د نوموړې ادارې د هبرۍ په سپارښتنه او اړتیا ته په کتو، محترم مل پاسوال مولوي شرافت الله "حقاني" د دې ادارې د نظامي ښوونې او روزنې د واحد د قوماندان او پرځای یې محترم مل پاسوال سید محمد "مسلم" د قرارګاه د امنیتي قطعې د قوماندان په توګه د نوموړو برخو پرسونل ته د یو لړ مراسمو په ترڅ کې وپېژندل شول.
د زندانونو چارو د سمون ادارې نظامي مرستیال محترم لوی پاسوال قاري حبیب الله "بدر" د یادو مراسمو پرمهال په داسې حال کې، چې د ادارې د مقام سلاکار محترم مولوي اسدالله "مولانا" او یو شمېر نورو ملکي او نظامي مسوولینو ګډون درلود نوموړو کسانو ته د نوې دندې د مبارکۍ ترڅنګ، په چارو کې د بریالیتوب هیله وکړه او ویې ویل: «مقام او منزلت د تل لپاره نه وي، خو غوره دا ده چې خپل مسوولیتونه په ښه توګه ترسره او له همکارانو سره ښه چلند وکړئ څو هم الله(ج) او هم یې مخلوق در څخه راضي شي».
په ورته وخت کې، د ادارې د ښوونې او روزنې رئیس محترم مولوي عبدالوارث "سادات" په خپلو خبرو کې له یادو نظامي مسوولینو څخه وغوښتل، چې د ادارې د لا پرمختګ لپاره په خپل منځ کې ښه همکاري وکړي او د چارو لا چټکتیا لپاره له هېڅ راز هڅو درېغ ونه کړي.
محترم مل پاسوال مولوي شرافت الله "حقاني" او محترم مل پاسوال سید محمد "مسلم" هم له خپله اړخه پردوی د زندانونو چارو د سمون ادارې د رهبرۍ له باور او اعتماد څخه د مننې ترڅنګ، په پوره امانتولۍ او صداقت د ورسپارل شویو دندو او مسوولیتونو د ښه ترسراوي ژمنه وکړه.
شوال المکرم ۹/ ۱۴۴۴
د مقام د دفتر ریاست
د اطلاعاتو او عامه اړیکو امریت
