د زندانونو چارو د سمون ادارې نظامي مرستیال له مرکزي توقیفخونې او روغتیا ریاست څخه لیدنه وکړه

محترم پاسوال قاري حبیب الله "بدر" نن(چهارشنبې) په داسې حال کې چې یوشمېر امنیتي مسوولین هم ورسره وو، د کابل ولایت له توقیفخونې یې لیدنه وکړه، په امنیتي او نورو برخو کې یې ستونزې وارزولې او د حل لپاره یې اړوندو مسوولینو ته لازمې سپارښتنې وکړې.
دغه راز، د زندانونو چارو د سمون ادارې نظامي مرستیال د ادارې روغتیا ریاست ته ولاړ او هلته یې د طبي وسایلو او امکاناتو د ارزونې ترڅنګ له طبي مسوولینو او پرسونل سره وکتل او پریوشمېر اړوندو مسایلو یې خبرې وکړې.
د یادې کتنې په پای کې، د روغتیا ریاست مسوولینو او پرسونل د نوموړي له پاملرنې څخه مننه وکړه او د ځینو طبي وسایلو او امکاناتو د کمښت یادونه یې وکړه، چې د زندانونو چارو د سمون ادارې نظامي مرستیال محترم پاسوال قاري حبیب الله "بدر" له خوا ورسره د ادارې د امکاناتو پرمټ د رسېدنې ژمنه وشوه.

ربېع الثاني ۲۱/ ۱۴۴۴
د اطلاعاتو اوعامه اړيکو رياست