ولایتي خبرونه (غزني، سمنګان، هرات) د غزني ولایت د زندان نظامي پرسونل ته پنځلس ورځنی سمینار پیل شو
دغه سیمینار چې د غزني ولایت د زندان د ریاست له لورې جوړ شوی، نظامي پرسونل ته به په کې د دیني، اداري، چارو ښوالي او ظرفیت لوړونې په موخه هر اړخېز معلومات ورکړل شي.
داراز، د غزني ولایت د زندن ر ئیس محترم قاري عبدالغني "عادل"د سمینار د نظامي برخې ګډونوالو زده کوونکو ته په خپلو خبرو کې زیاته کړله « دا چې د زندانیانو ساتل لوی مسوولیت دی نو د زندانونو چارو د سمون اداره تل کوښښ کوي څو د ادارې د ملکي او نظامي پرسونل د ښوونې او روزنې د مختلفو برنامو له لارې داسې وروزي چې کاري وړتیا یې لوړه او ورسپارل شوي مسوولیتونه په پوره رېښتینولۍ، صداقت او زړورتیا سره ترسره کړي.
د یو بل خبر له مخې، د سمنګان ولایت د روی دو اب ولسوالۍ توقیفخونه فعاله او ګتې اخیستنې ته وسپارل شوه
اړتیا ته په کتو سره سم، سمنګان ولایت د دو اب ولسوالۍ توقیفخونه د دې ولایت د مسوولینو په هڅو فعاله او ګټې اخیستنې ته و سپارل شوه.
په ورته وخت کې د یاد ولایت د زندان امر محترم قاري نور محمد "تالقاني" په خپلو خبرو کې وویل چې نوموړې توقیفخونه د برېښنا او د اوبو رسولو منظم سیستم په لرلو سره د یادې توقیفخونې پرسونل او توقیفیانو لپاره لازمې اسانتیاوې ورته برابرې شوي دي.
داراز، نوموړي زیاته کړه چې د یادې توقیفخونې فعالیدو سره تر ډیره بریده به د یادې ولسوالۍ د توقیفیانو ستونزې هوارې او چارو ته به یې پر وخت رسېدنه کیږي.
بل خوا بیا، د هرات ولایت له زندان سره د سره صلیب له لورې د ژمنیو او مینځلو توکو مرسته وشوه
د سره صلیب نړېوالې کمېټې له لورې د دې ولایت له زندان د ښځینه او نارینه محبوسینو سره د ژمنیو او مینځلو توکو له جملې چې کمپلې، جرابې، پټوان، شامپو، صابون او یو شمېر نور توکي په کې شامل وو د دغه زندان مسوولینو ته وسپارل شول.
په ورته وخت کې، د دې زندان مسوولینو یادې کمېټې څخه د مننې ترڅنګ دا ډول مرستې اړینې و بللې او زیاته یې کړه چې له دې سره به زندانیان له سړې هوا خوندي پاتې شي.
جمادي الاول ۱۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
