د زندانونو چارو د سمون ادارې د مالي او اداري عمومي رئیس د پلټنې عالي ادارې له پلاوي سره وکتل
د ا.ا.ا. د زندانونو چارو د سمون ادارې د مالي او اداري عمومې رئیس محترم مولوي عبدالهادي "مالي اخندزاده" په داسې حال کې چې د دې ادارې د مالي او حسابي رئیس محترم مشعل "حکمت" او یو شمېر نورو اړوندو مسوولینو هم شتون درلود، د محترم مولوي عبدالله "عارفزي" په مشرۍ د پلټنې عالي ادارې له خوا له ټاکل شوي پنځه کسیز پلاوي سره په خپل کاري دفتر کې ولیدل او دواړو لوریو په دې اداره کې د سږني کال د پلټنې د پیل پر څرنګوالي خبرې اترې وکړې.
داراز، د محترم مولوي عارفزي په مشرۍ د پلټنې عالي ادارې پلاوي وویل، دوی به د ا.ا.ا. عالي مقام(حفظه الله) د فرمانونو او لارښوونو او د پلټنې د نړیوالو معیارونو په رڼا کې د زندانونو چارو د سمون ادارې د ۱۴۰۳ مالي کال مالي، حسابي، اداري او د ۱۴۰۲ مالي کال د عوایدو او لګښتونو د تحقق د څرنګوالي په اړه پلټنه کوي.
په ورته وخت کې، محترم مولوي مالي اخندازاده نوموړي پلاوي ته د ښه راغلاست ترڅنګ وویل، د زندانونو چارو د سمون اداره تل په خپلو ټولو چارو کې شریعت، شفافیت او روڼتیا ته لومړیتوب ورکوي او دا اداره هر کال د پلټنې عالي ادارې له پلاوو سره هراړخیزې همکارۍ کړې او بیا هم د دې همکاريو دوام ته چمتو ده.
د یادونې وړ بولو، چې د ا.ا.ا. د پلټنې عالي ادارې یوه پلاوي تېر کال هم د زندانونو چارو د سمون ادارې د وړم ۱۴۰۱مالي کال د مالي، حسابي، اداري، عوایدو او لګښتونو په اړه ټولې چارې تر کره ارزونې وروسته هغه د رضایت او قناعت وړ وبللې او د دغې ادارې اړوند مسوولین یې وستایل.
شوال المکرم/ ۲۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
