ولایتي خبرونه( میدان وردګ- بغلان- بامیان) د میدان وردګ ولایت د چک ولسوالۍ توقیفخونه فعاله او ګتې اخیستنې ته وسپارل شوه

د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه او اړتیا ته په کتو سره سم، د میدان وردګ ولایت د چک ولسوالۍ توقیفخونه د دې ولایت د مسوولینو په هڅو فعاله او د یو لړ مراسمو په ترڅ کې ګټې اخیستنې ته و سپارل شوه.
په ورته وخت کې د یاد ولایت د زندان امر محترم مولوي صلاح الدین په خپلو خبرو کې وویل چې  نوموړې توقیفخونه په معیاري ډول جوړه شوې او د بریښنا او د اوبو رسولو منظم سیستم په لرلو سره د یادې توقیفخونې پرسونل او توقیفیانو لپاره لازمې اسانتیاوې ورته برابرې شوي دي.

د یو بل خبر له مخې د زندانونو چارو د سمون ادراې  له لورې د بغلان ولایت له زندان سره د ۲۰۰ کمپلو مرسته وشوه

د زندانونو چارو د سمون ادارې د عمومي رئیس محترم مولوي محمد یوسف "مستري" په سپارښتنه د بغلان ولایت د زندان سره د ۲۰۰ کمپلو مرسته وشوه
په دې مرسته کې ۲۰۰ کملپې موجودې وې چې د دې ولایت د زندان د مسوولینو له لوري په پوره شفافیت سره په زندانیانو وویشل شوې.
په ورته وخت کې، د دې ولایت د زندان مسوولینو د زندانونو چارو د سمون ادارې څخه د یادې مرستې په موخه مننه وکړه او ترڅنګ یې په نورو داخلي او نړیوالو بنسټونو هم غږ وکړ چې له دوی سره خپلو همکاریو ته دوام ورکړي.

بل لور بیا د بامیانو ولایت د ماشومانو د اصلاح او روزنې مرکز سره د یونیسف  له لورې د ژمنیو او نورو لازمو توکو مرسته وشوه.
په یادو مرسته شویو توکو کې، د ژمي لپاره تودې جامې، بوټونه، جمپرونه، جورابې،   او داسې نور لازم توکي موجود وو، چې د یاد مرکز او د یونیسف د مسوولینو له خوا په پوره شفافیت د نوموړي مرکز په محجوزینو وويشل شول.

رجب المرجب- ۲۰/ ۱۴۴۵
د مقام د دفتر ریاست 
د اطلاعاتو او عامه اړیکو امریت