ولایتي خبر: (بادغیس) د بادغیس ولایت د زندان امر او مل پلاوي د دې ولایت د بالا مرغاب او غورماچ ولسوالیو له توقیفخونو څخه ليدنه وکړلهد زندانونو چارو د تنظیم ادارې د عمومي رئیس محترم مولوي محمدیوسف"مستري" په سپارښتنه د بادغیس ولایت د زندان امر ملا سید باران
د زندانونو چارو د تنظیم ادارې د عمومي رئیس محترم مولوي محمدیوسف"مستري" په سپارښتنه د بادغیس ولایت د زندان امر ملا سید باران "عدالتي" او مل پلاوي د دې ولایت د بالا مرغاب او غورماچ ولسوالیو ته په سفر لاړ او هلته یې د یادو توقیفخونو له مسوولینو سره د توقیفیانو لپاره د اسانتیاوو رامنځ ته کولو په موخه خبرې وکړلې.
داراز، پلاوي د نوموړو توقیفخونو د خوړو(اعاشې)، اباتې، پخلنځي، برېښنا او بېلا بېلې تعمیراتي او روغتیايي چارې، امنیتي ټاورونه، قراولونه او امنیتي پوستې په جلا جلا توګه وارزولې او د چارو لا ښووالي لپاره یې اړوندو مسوولینو ته لازمې راښوونې وکړلې.
ذوالحجة الحرام ۳۰/ ۱۴۴۷
د مقام د دفتر ریاست
د اطلاعاتو د عامه اړیکو امریت
