رولایتي خبرونه: د پکتیا ولایت د زندان د امنیتي پرسونل او زندانیانو له خوا د تراوېح لمونځونو پرمهال د قرآن عظیم الشان ختمونه پایته ورسېدل
د یاد زندان رئیس محترم قاري عبد الغني "عادل" په دې اړه په جلا جلا توګه د جوړو شویو مراسمو په ترڅ کې د روژې مبارکې میاشتې د فضلیتونو په هکله خبرې وکړې او ویې ویل: « دا چې دا میاشت د قرانکریم د نزول میاشت ده، نو د هغه تلاوت او نور عبادات د نورو میاشتو په پرتله ډېر ثواب او اجر لري او د مسلمانانو د نفس د تزکیې، اصلاح او تقوا لامل ګرځي».
د یادو مراسمو په پای کې، د نوموړي زندان پرسونل او زندانیانو د افغانستان د اوسني اسلامي نظام د بقا، په هېواد کې د امنیت، سولې، سوکالۍ، پرمختګ او یووالي د لا ښه ټینګښت لپاره د خیر دعاوې وکړې.
میدان وردګ، خوست، پکتیا، پکتیکا:
د زندانونو چارو د سمون ادارې يوه پلاوي د میدان وردګ، خوست، پکتیا او پکتیکا ولایتونو له زندانونو څخه لیدنه وکړله
د زندانونو چارو د سمون ادارې د عمومي رئیس محترم مولوي محمديوسف "مستري" په سپارښتنه، د محترم مولوي رحیم الله "مدني" په مشرۍ یوه پلاوي د میدان وردګ، خوست، پکتیا او پکتیکا ولایتونو ته د سفر پرمهال د یادو ولایتونو له زندانونو څخه لیدنه وکړله او له مسوولینو او پرسونل سره د دې زندان پر تخنیکي او نورو اړوندو چارو بحث کړی دی.
همداشان، پلاوي د میدان وردګ، خوست، پکتیا او پکتیکا ولایتونو د بریښنا لپاره جنراتورونو چې تخنیکي ستونزې یې درلودلې ترمیم کړل.
فاریاب:
د فاریاب ولایت د زندان له زندانیانو او توقیفیانو سره د یاد ولایت والي له لورې د (۷۵۰) کارتنو خرما او حفظ الصحې توکو مرسته وشوه
د زندانونو چارو د سمون ادارې په همکارۍ د نوموړي زندان د مسوولینو په هڅو او د دې ولایت محترم والي له لورې د یاد زندان له زندانیانو سره د (۶۰۰) کارتنه خرما او (۱۵۰) کارتنه د حفظ الصحې او اړتیا وړ توکو مرسته وشوه
د یاد زندان امر محترم مولوي محمد موسی "ایمل" له محترم والي څخه د مننې سربېره دا بشرپاله او انسان دوستانه اقدام نیک یاد کړ او په نورو خیريه بنسټونو او خییرو تاجرانو هم غږ وکړ چې خپلې مرستې د ټولنې له دغه قشر چې زندانیان دي ونه سپموي.
د مقام د دفتر ریاست
د اطلاعاتو او عامه اړیکو امریت
