ولایتي خبرونه: (بادغیس، پکتیا) د بادغیس ولایت په زندان کې د زندانیانو لپاره د فکري اصلاح په موخه دوه ورځینی سمینار پای ته ورسېده
د نوموړي زندان امر محترم ملا سید باران "عدالتي"په وینا، دا ډول سمینارونه به د زندانیانو د فکري سمون سربېره د هغوی د اصلاح سبب وګرځي.
همدا شان، د سمینار ګډونوالو د خوښۍ په څرګندولو سره د دا ډول سمینارونو جوړول ګټور یاد کړل او د زندان مسوولینو څخه يې د ورته نورو برنامو پر جوړولو ټینګار وکړ.
پکتیا:
د پکتیا ولایت د زندان رئیس او مل پلاوي تېره ورځ د یاد ولایت د څمکنیو ولسوالۍ له توقیفخونې څخه لیدنه وکړله
د یاد زندان رئیس محترم قاري عبد الغني عادل او ورسره پلاوي په پیل کې د څمکنیو ولسوالۍ د توقیفخونې له مسوولینو سره پر اړینو او اړوندو مسایلو خبرې وکړې وروسته د نوموړي زندان اداري، پخلنځي، د خوړو څرنګوالي او تخنیکي چارو څخه په جلا جلا توګه هم لیدنه وکړله او د چارو د لاښه والي په موخه یې اړوندو مسوولینو ته لازمې لارښونې وکړلې.
رمضان المبارک ۰۷/ ۱۴۴۷
د مقام د دفتر ریاست
د اطلاعاتو او عامه اړیکو امریت
