ولایتي خبرونه (کندهار، پروان) د کندهار زندان د ښوونیز مرکز څخه (۱۳۷) تنه زندانیان د قرآن کریم له حفظ او حسن قرائت څخه فارغ شول
په دې اړه جوړ شویو مراسمو کې چې د کندهار ولایت د زندان رئیس محترم مولوي محب الله ګرمسیري، د پوهنتون او د تمیز محکمې رئیسانو، علماوو، یو شمېر مسوولینو او د نوموړو زندانیانو د کورنیو غړو ګډون کړی و، د دې زندان ۱۳۷ تنو زندانیانو د قرآن کریم د حفظ او د حسن قرائت دورې څخه د فراغت سندونه ترلاسه کړل.
د کندهار ولایت د زندان رئیس یادو فارغ شویو زندانیانو ته د مبارکې ویلو ترڅنګ زیاته کړله، د خوښۍ ځای دی چې نن د دې زندان زندانیان د قرآن کریم د حفظ او حسن قرائت څخه فارغیږي.
ګرمسیري زیاته کړله، د نوموړې دورې ځېنو زندانیانو ته د حبس موده بښل شوې او ځېنو نورو ته د بند په موده کې تخفیف راغلی دی.
همداراز، د دې ولایت د بېلابیلو ادارو مسوولینو په وینا د ا.ا.ا. د بیا واکمنېدو سره د هېواد زندانونه په اصلاحي او ښوونیزو مرکزونو بدل شوي، نو دلته ستاسو پاتې کېدل یوازې اصلاح کیدل دي.
د یو بل خبر له مخې، د سره صلیب نړېوالې کمیټې سمه ییزو مسوولینو د پروان ولایت د زندان رئیس سره یې د لیدنې ترڅنګ یاد زندان سره مرسته وکړله
داراز، د نړېوالې کمېټې استازو د یاد زندان مسوولینو وړاندېزونه او غوښتنې واورېدې او په راتلونکې کې یې یاد زندان سره د خپلو همکاریو د دوام ډاډ ورکړ.
همداراز، د پروان ولایت د زندان رئيس د سره صلیب نړېوالې کمېتې څخه د منني ترڅنګ له کورنیو او نړیوال بنسټونو څخه زندانيانو ته د ورته مرستو غوښتنه وکړله.
جمادي الثاني ۵/ ۱۴۴۶
د مقام د دفتر ریاست
د اطلاعاتو او عامه اړیکو امریت
