د زابل ولایت د زندان لپاره نوی امر په دنده وګومارل شو
د زندانونو چارو د سمون ادارې د عمومي رئیس محترم مولوي محمدیوسف"مستري" په سپارښتنه او د ادارې له اړتیا سره سم محترم مولوي محمد هاشم "حقاني" چې تر دې مخکې د پکتیکا ولایت د زندان امر و، د زابل ولایت د زندان د نوي امر په توګه د دې زندان پرسونل ته معرفي او نوموړي هم رسماً خپله دنده پیل کړه.
په دې اړه په جوړو شویو مراسمو کې چې د نوموړي ولایت د مقام د بشري سرچینو رئیس محترم مولوي احمد مختار هم ګډون درلود په خپلو خبرو کي تغیر او تبدیل د نظام یو اصل یاد کړ ترڅنګ د تیر مسوول کړنې او فعالیتونه وستایل ترخوا له کارکوونکو څخه وغوښتل چې له نوي امر سره په کارونو کې پوره همغږي وکړي.
په ورته وخت کې د زابل ولایت نوي امر محترم مولوي محمد هاشم حقاني ژمنه وکړه چې ورسپارل شوي مسوولیتونه به په پوره ریښتینوالۍ او امانتدارۍ سره سرته رسوي.
ذوالحجة الحرام ۶/ ۱۴۴۵
د مقام د دفتر ریاست
د اطلاعاتو او عامه اړیکو امریت
