د مرکزي زندان زندانیانو لپاره د کتاب دوه ورځینی نندراتون جوړېږي
د زندانونو چارو د سمون ادارې د نظامي چارو مرستیال محترم لوی پاسوال قاري حبیب الله "بدر" نن(پنجشنبې) د اطلاعاتو او کلتور وزارت له یوه درې کسیز پلاوي سره په خپل کاري دفتر کې ولیدل.
نوموړي پلاوي وویل، دوی غواړي د کتاب د اونۍ په ویاړ د کابل ولایت د څرخي پله زندان کې د زندانیانو د فکري جوړښت، دیني پوهې زیاتولو، او په دې وروستیو کې د ا.ا.ا. د مثبتو فعالیتونو، هڅو او هېواد ته یې د ترسره کړو خدمتونو په اړه د چاپ شویو کتابونو دوه ورځینی نندارتون پرانیزي.
په ورته مهال، د ادارې د نظامي چارو مرستیال له یاد پلاوي سره په خبرو کې د هغوی دا هڅه او په زندان کې د کتاب د مطالعې د فرهنګ لاښه دودول یو مثبت ګام وباله او پلاوي سره یې د ادارې په استازیتوب په دې برخه کې د هر راز همکارۍ او اسانتیاوو برابرولو ډاډ وکړ.
ذوالقعدة الحرام ۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
