د زندانونو چارو د سمون ادارې نظامي مرستیال د غزني ولایت د زندان ارزونه وکړه
محترم لوی پاسوال قاري حبیب الله "بدر" او مل یوه پلاوی غزني ته ولاړ او د یاد ولایت د زندان له مسوولینو سره د کتنې پرمهال يې پر اړوندو مسایلو بحث وکړ.
په ورته وخت کې، د زندانونو چارو د سمون ادارې د نظامي مرستیال په مشرۍ پلاوي غزني ولایت د زندان له زندانیانو سره ولیدل او هغوی ورسره د خپلو جرمي دوسیو پروخت څېړلو او د برخلیک روښانه کولو په اړه خپلې غوښتنې شریکې کړې، چې د پلاوي مشر ورته د رسېدنې ډاډ ورکړ.
داراز، محترم لوی پاسوال قاري حبیب الله بدر په مشرۍ پلاوي د پرسونل او زندانیانو لپاره د خوړو(اعاشې)، اباتې، پخلنځي، صنعتي او روغتیایې برخو څخه د لیدنې ترڅنګ یې د دې زندان د امنیتي ټاورونو، قراولونو، پوستو او نورو امنیتي برخو وضعیت له نږدې وارزاوه او د زندانیانو لا خوندي امنیت په پار یې اړوندو مسوولینو ته لازمې سپارښتنې وکړې.
د یادونې وړ بولو چې د زندانونو چارو د سمون ادارې مسوولین، د مرکز او ولایتونو له زندانونو او بندیانو څخه په دوامداره توګه لیدنه کوي، څو د امنیتي او نورو برخو وضعیت یې وارزوي او ستونزو ته یې په وخت رسېدنه وکړي.
ذوالقعدة الحرام ۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
