د زندانونو چارو د سمون ادارې په رهبرۍ ناسته کې مراجعینو ته د لازیاتو اسانتیاوو پر برابرولو بحث وشو
دغه ناسته، چې د نوموړې ادارې د عمومي رئیس محترم مولوي محمد یوسف"مستري" په مشرۍ او د ادارې د نظامي چارو مرستیال محترم لوی پاسوال قاري حبیب الله "بدر"، د نظامي چارو معاونیت د ارکان رئیس محترم الحاج اسدالله "مولانا" او یو شمېر رئیسانو، ملکي او نظامي مسوولینو په ګډون جوړه شوې وه، په کې د هېواد د زندانونو ستونزو اړتیاوو ته د رسېدنې، د زندانونو د مسوولینو ترمنځ د همغږۍ لاپیاوړې کولو، مراجعینو ته د اسانتیاوو برابرولو او ځینو نورو مهمو مسایلو په هکله هراړخیز بحث وشو.
د زندانونو چارو د سمون ادارې عمومي رئیس محترم مولوي محمد یوسف"مستري" په یاده ناسته کې وویل: « د مسوولینو ترمنځ همغږي په چارو کې شتو نیمګړتیاوو ته په لنډ وخت کې د حل لار پیدا کولو سره مرسته کوي او د عملي ګامونه پورته کولو لامل کېږي».
همدا راز، د ناستې یو شمېر ګډونوالو د چارو د لا ښه توب او ګړندیتوب په اړه خپل وړاندیزونه او نظرونه شریک کړل، چې د زندانونو چارو د سمون ادارې د رهبرۍ له خوا یې تر غور وروسته په هکله لازمې لارښوونې وشوې.
جمادي الثاني- ۴/ ۱۴۴۵
د مقام د دفتر ریاست
د اطلاعاتو او عامه اړیکو امریت
