د زندانونو چارو د سمون ادارې د ازادۍ پر سلب ځایونو د څارنې نوى رئیس په دنده وګومارل شو
د ا.ا.ا. امیرالمؤمنین شیخ القرآن والحدیث محترم مولوي هبة الله "اخندزاده" (حفظه الله) د حکم پر اساس محترم مولوي محمد عمر "مخلص" د یادې ادارې د ازادۍ پر سلب ځایونو د څارنې د نوي رئیس په توګه پر دنده وګومارل شو.
په دې اړه په جوړو شویو مراسمو کې، د ادارې د پالېسۍ او مسلکي چارو مرستیال محترم قاري محمد بلال "فاتح" په داسې حال کې، چې د دغې ادارې مالي او اداري عمومي رئیس محترم مولوي عبدالهادي"مالي اخندزاده"، د مقام دفتر رئیس محترم قاري رحمت الله"ګلزاد"، د پلان او پالېسۍ رئیس محترم عبد الفتاح "فاتح"، د ننګرهار ولایت د زندان رئیس محترم مولوي سهیل "سعید" او یو شمېر نورو مسوولینو هم شتون درلود، محترم مولوي محمد عمر "مخلص" د ازادۍ پر سلب ځایونو د څارنې نوي رئیس په توګه د نوموړي ریاست کارکوونکو ته وپېژندل شوو.
داراز، د ادارې د پالېسۍ او مسلکي چارو مرستیال د خبرو پرمهال، له پخواني رئیس څخه مننه وکړله، او د هغه تېر خدمتونه او لاسته راوړنې یې وستایلې او نوي رئیس ته د مبارکۍ ویلو ترڅنګ ترې وغوښتل چې په اړوندو چارو کې له یو بل سره پوره همغږۍ او همکارۍ په درلودلو سره د چارو د پرمخ وړلو لپاره نه ستړې کېدونکو هلوځلو ته دوام ورکړي.
په پای کې، د ازادۍ پر سلب ځایونو د څارنې نوي رئیس محترم مولوي محمد عمر "مخلص" ا.ا.ا. له رهبرۍ څخه پر هغه د باور کولو د مننې ترڅنګ، ژمنه یې وکړله، چې د ادارې له لوري ورسپارل شوي مسولیتونه به په پوره رېښتینولۍ سره ترسره او د یاد ریاست د چارو د لا ښه کیدو په موخه به نه ستړې کېدونکې هلې ځلې کوي.
رمضان المبارک ۲۰/ ۱۴۴۷
د مقام د دفتر ریاست
د اطلاعاتو او عامه اړیکو امریت
