ولایتي خبرونه ( فاریاب، هلمند) د فاریاب ولایت د زندان (۵۰) تنو کارکوونکو ته یو ورځنی سمینار ورکړل شو
د اداري اصلاحاتو او ملکي خدمتونو د ولایتي مسوولینو له لورې د نوموړي زندان د کارکوونکو د ظرفیت لوړونې په موخه (۵۰) تنو ملکي او نظامي پرسونل ته په یو ورځني سمینار کې د اداري چارو د لارښود په اړه هر اړخیز معلومات ورکړل شول.
د اداري اصلاحاتو او ملکي خدمتونو ولایتي مسوول د یاد سمینار په ارزښت خبرې او ګډونوالو څخه وغوښتل چې د ترلاسه کړو زده کړو څخه په عملي چارو کې ګټه پورته کړي.
همداراز، د زندان رهبرۍ یاد سمینار د کارکوونکو د ظرفیت لوړونې په موخه ګټور او ورته نورو ښوونیزو برنامو پر دوام یې ټینګار وکړ.
د یو بل خبر له مخې، د هلمند ولایت مرکزي زندان سره د سره صلیب لورې د ژمنیو کیټونو مرسته وشو
د دې ولایت د زندان د مسوولینو په هڅو د سره صلیب نړېوالې کمېټې له لورې د یاد زندان له زندانیانو سره د (۱۳۴۸) ژمنیو کیټونو مرسته وشوه.
په یادو کیټونو کې کمپلې، صابونونه، جرابې، پټوان او اړتیا وړ نور توکي شامل دي.
د مسوولینو په خبره، یاده مرسته د ژمي په رارسېدو سره د زندانیانو د روغتیا ساتلو په موخه ترسره کیږي.
جمادي الاول ۱۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
