د کابل ولایت د نشه یي توکو د ځانګړي امنیت لرونکي محبس پرسونل لپاره د فقهي زده کړو لومړۍ دوره پايته ورسېده
دغه دوره، چې څه موده وړاندې د څرخي پله د نشه یي توکو د ځانګړي امنیت لرونکي محبس د ملکي او نظامي پرسونل لپاره پیل شوې وه، نن(چهار شنبې) يې له برخوالو څخه د پوهېدو د ارزونې په توګه پر ازموینې اخیستو پايته ورسېده.
د زندانونو چارو د سمون ادارې د ښوونې او بيا روزنې رئیس محترم مولوي عبدالوارث "سادات" په دې اړه د جوړو شويو مراسمو پرمهال دا ازموینه د پرسونل د هڅونې په موخه ګټوره وبلله او زیاته يې کړه، د خوښۍ ځای دی چې تاسو په دومره لیوالتیا خپلو دینی زده کړو ته دوام ورکوئ ان شاءالله د علم په ډیوه به مو هم دنیا او هم اخېرت دواړه رڼا شي.
داراز، محترم سادات ژمنه وکړه چې د نوموړي پرسونل د دیني پوهې او کاري وړتیا لوړاوي لپاره به په راتلونکې کې ورته نور پروګرامونه هم پلي کړي.
په ورته وخت کې، د نوموړي محبس ملکي او نظامي پرسونل هم د فقهي زده کړو د بهیر له عملي کولو څخه خوښي وښوده او له یادې ادارې یې د نورو ګټورو پروګرامونو د پلي کولو غوښتنه وکړه.
محرم الحرام ۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
