د کابل ولایت د مرکزي توقیفخونې د توقیفیانو ترمنځ د سیرت النبي(صلی الله علیه وسلم) سیالۍ د ازموینې په اخیستو سره پای ته ورسېده
دغه سیالۍ چې د زندانونو چارو د سمون ادارې او د اطلاعاتو او کلتور وزارت په ګډې همکارۍ د یادې توقیفخونې د توقیفیانو تر منځ پيل شوې وه، د ازموینې په اخېستو سره پای ته ورسېده.
د زندانونو چارو د سمون ادارې د ښوونې او بیا روزنې مسوولینو د نبوي (صلی الله علیه وسلم) سیرت زده کړو روزونکو برنامو په ارزښت یې خبرې وکړې او وویل چې دا د هر مسلمان ځوان دنده ده چې د خپل محبوب پیغمبر (صلی الله علیه وسلم) د مبارک سیرت څخه ځان خبر کړي او په خپل ورځني ژوند کې یې عملي کړي.
داراز، د یادې توقیفخونې توقیفیانو دغه سیالي د دوی دیني پوهې په لوړولو کې ارزښتمنده یاده کړله او ژمنه یې وکړله چې دا ډول او ورته نورو ښوونیز او روزنیزو برنامو کې به په پوره لیوالتیا سره برخه اخلي.
د کابل ولایت د مرکزي توقیفخونې رئیس محترم قاري محمد ګل "جګر خون" په خبره، د یادې سیالۍ ګډونوالو د پارچو ارزونې وروسته به ممتازو کسانو ته ډالۍ هم ورکړل شي.
شعبان المعظم ۲۰/ ۱۴۴۶
د مقام د دفتر ریاست
اطلاعاتو او عامه اړیکو امریت
