د کابل ولایت د توقیفخونو رئیس او مل پلاوي یې د دې ولایت د سروبي ولسوالۍ له توقیفخونې لیدنه وکړه
د زندانونو چارو د سمون ادارې د عمومي رئیس محترم مولوي محمد يوسف "مستري" په سپارښتنه، د کابل ولایت د توقیفخونو رئیس محترم قاري عبدالغني "عادل" او مل پلاوي یې له یادې توقیفخونې څخه د دې لیدنې په ترڅ کې، له مسوولینو سره د اړوندو موضوعګانو په اړه خبرې اترې وکړې.
داراز، محترم عادل د کابل ولایت د سروبي ولسوالۍ د توقیخونې د خوړو (اعاشې)، اباتې، برېښنا او بېلا بېلې برخې، تعمیراتي او روغتیايي چارې وارزولې او اړوندو مسوولینو سره یې د ځینو ستونزو د حل پر څرنګوالي سلا مشورې وکړې.
همداشان، محترم قاري عبدالغني "عادل" او مل پلاوي یې د نوموړې توقیفخونې توقیفیانو سره هم له نږدې وکتل، د هغوی وضعیت یې وارزاوه او مسوولينو ته يې د هغوی لپاره د اسانتياوو پر زیاتولو او ستونزو او روا غوښتنو ته یې د رسېدنې لپاره لازمې لارښوونې وکړې.
ذو القعده ۱۵/ ۱۴۴۴
د مقام د دفتر ریاست
د اطلاعاتو او عامه اړیکو امریت
