د کابل مرکزي توقیفخونې پرسونل لپاره د کمپیوټر زده کړې پیل شوې
د یاد ولایت د توقیفخونو رئیس محترم قاري عبدالغني "عادل" وايي، په دغو زده کړو کې چې د مایکروسافټ افیس له ډلې د ورډ او اېکسل پروګرامونه او د وېنډوز نصبولو یا انسټالېشن شامل دي، د کابل ولایت د مرکزي توقیفخونې د مجربو ښوونکو له خوا د دې توقیفخونې ملکي او نظامي پرسونل لپاره پیل شوي دي.
د هغه په خبره، که څه هم نوموړي پرسونل پخوا هم په دې برخو کې پوهاوی لره، خو د ځینو ستونزو له کبله ترې نیمګړی پاتې و چې اوس به په دې زده کړو سره هغه بشپړ شي.
داراز، د کابل ولایت د مرکزي توقیفخونې د مسوولینو په وینا د کمپیوټر زده کړو دې بهیر لپاره یې له رسمياتو وروسته وخت ټاکلی، څو یې ګډونوال وکولی شي په رسمي وخت کې خپلو اړوندو چارو ته ورسېږي، هم له رسمیاتو وروسته په زده کړو کې برخه واخلي، هم له دې لارې د چارو په کمپیوټري کولو ښه پوه او هم وطن او ملت ته د خدمت جوګه شي.
محرم الحرام ۲۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
