د څرخي پله مرکزي زندان د ښوونيزې قومندانۍ نوي قومندان په خپله دنده پيل وکړ
د زندانونو چارو د سمون ادارې د رهبرۍ له خوا د امنيتي چارو د ښه سمون لپاره محترم حيات الله"احمدي"، د مرکزي زندان د ښوونيزې(تعليمي) قومندانۍ د نوي قومندان په توګه وټاکل شو او تېره ورځ يې په رسمي توګه خپل کار پيل کړ.
محترم احمدي تر دې وړاندې د ياد زندان د امنيتي قراول قومندان و، چې اوس يې پرځای محترم عبدالجليل" اعجمي" وګومارل شو.
د زندانونو چارو د سمون ادارې رهبري او مسوولين د کارکوونکو، بنديانو، توقيفيانو او محجوزينو د خونديتوب او امنيت پر وړاندې ځان مسول ګڼي او په دې برخه کې د امنيتي مسوولينو ادلون بدلون د قانون او اصولو سره سم ترسره کوي.
جمادي الاول ۱۰/ ۱۴۴۴
د اطلاعاتو او عامه اړيکو رياست
