د پکتیکا ولایت د توقیفخونو د مرستیالانو او اداري مسوولینو لپاره د ظرفیت لوړونې په موخه دوه ورځینی سمینار پای ته ورسېده
د پکتیکا ولایت د زندان امر محترم مولوي احسان الله "صلاح الدین" په وینا، یاد سمینار چې د نوموړي زندان د تجربه لرونکو ښوونکو له خوا پیل شوی وو، دې ولایت د (۱۴)ولسوالیو د توقیفخونو مرستیالانو او اداري مسوولینو ته د ظرفیت لوړونې په موخه اداري چارو، د توقیفیانو د دوسیو څېړلو او د هغوی ستونزو ته په وخت رسېدنې په اړه هر اړخیز معلومات وړاندې شول.
همدا شان، د سمینار ګډونوالو د خوښۍ په څرګندولو سره دا ډول سمینارونو جوړول ګټور یاد کړل او یاد زندان مسوولینو څخه يې د ورته نورو برنامو پر جوړولو ټینګار وکړ.
صفر المضفر ۱۷/ ۱۴۴۷
د مقام د دفتر ریاست
د اطلاعاتو او عامه اړیکو امریت
