د هرات ولایت په زندان کې سلګونو تنو زندانیانو لپاره په بېلابیلو برخو کې د زده کړو زمینه برابره شوې
د دغه ولایت د زندان مسوولینو په وینا، په زندان کې د نورو اسانتیاوو ترڅنګ یې سلګونو تنو نارینه او ښځینه محبوسینو او د محجوزینو ښوونځیو تر خوا یې د لیک لوست زده کړو زمینه برابر کړې ده.
مسوولین زیاتوي چې د هرات په زندان کې دا مهال (۱۲۰)تنه محجوزین، (۱۵۰) تنه محبوسین او (۸۰) تر (۱۰۰) تنه ښځینه محبوسینې د ښوونځي سربېره د لیک لوست زده کړو په ټولګیو کې بوخت دي.
همدا راز، د یاد ولایت د زندان مسوولینو زندانیانو ته په خبرو کې زیاته کړله، له شته فرصته په استفادې سره خپلو زده کړو ته پاملرنه وکړئ څو له بنده تر ازادیدو وروسته د یو باسواده، سالم او مصلح شخص په توګه خپلو کورنیو او ټولنې سره یو ځای شئ.
ذوالقعده الحرام ۱/۱۴۴۶
د مقام د دفتر ریاست
د اطلاعاتو او عامه اړیکو امریت
