د هرات ولایت د زندان په انګړ کې یو جومات جوړ او ګټې اخیستنې ته وسپارل شو
دغه جومات چې د زندانونو چارو د سمون ادارې په مالي لګښت جوړ شوی د ولایت د زندان مسوولینو په حضور کې د یو لړ ځانګړو مراسمو په ترڅ کې ګټې اخیستنې ته وسپارل شو.
د هرات ولایت د زندان مسوولینو د نوموړي جومات پر جوړېدو خوښي وښوده او زیاته یې کړه چې د جوړولو چارې یې په پاخه او اساسي ډول ترسره شوي او په یو وخت کې د سلګونو تنو لمونځ کوونکو ظرفیت درلودونکی دی.
د یو بل خبر له مخې، د افغاني سرې میاشتې ټولنې له لورې د کندز ولایت د ماشومانو د اصلاح او روزنې له مرکز سره د روغتیایي او مینځلو توکو مرسته وشوه
د دغه زندان مسوولینو د یادې ټولنې څخه د خوښۍ ترڅنګ یادې مرستې اړینې وبللې او ترڅنګ یې په نورو کورنیو او نړیوالو بنسټونو هم غږ وکړ چې له دوی سره خپلو مرستو او همکاریو ته دوام ورکړي.
بل لور بیا، د بدخشان ولایت د پوهنې ریاست له لورې د دې ولایت د زندان سره د ښوونېزو کتابونو مرسته وشوه
د یاد ولایت د زندان مسوولینو په وینا، په دغه مرسته کې د اووم، اتم او نهم ټولګیو کتابونه شامل دي چې د ولایت د پوهنې ریاست له لورې د یاد زندان مسوولینو ته وسپارل شول.
د نوموړي ولایت د زندان مسوولینو د پوهنې ریاست څخه مننه وکړه او له نوموړو یې غوښتنه وکړه چې د زندانیانو په روزنه کې له دوی سره خپلو مرستو ته دوام ورکړي.
په همدې حال کې، د بامیان ولایت د پوهنې رئیس په مشرۍ پلاوي د دې ولایت د زندان د زده کړو له بهیر څخه لیدنه وکړه
داراز، د یاد ولایت د پوهنې رئیس په مشرۍ پلاوي د یاد زندان کارکوونکي او زندانیان یې وهڅول څو له ورکړل شوي فرصت څخه په ګټه پورته کولو سره خپلو دینې او عصري زده کړو ته دوام ورکړي.
شوال المکرم ۱۵/ ۱۴۴۵
د مقام د دفتر ریاست
د اطلاعاتو او عامه اړیکو