د ننګرهار ولایت په زندان کې د زندانیانو ترمنځ د غیږ نېونې سیالۍ ترسره شوې
دغه سیالۍ چې یاد زندان کې په لاره اچول شوې وې د (ایم ایم اې) روزونکي استاد مصور "فکري" او د غیږ نېونې روزونکي استاد بریال "تره خیل" په شتون کې ترسره شوې.
داراز، زندنیانو د نوموړي زندان له رهبرۍ څخه د مننې ترڅنګ د دغسې ورزشي برنامو ترسره کول د هغوی پر جسمي او فکري روحیې لوړولو کې اغیزمن یاد کړل او ورته نورو ورزشي برنامو د دوام غوښتنه یې وکړه.
د ننګرهار د زندان رئیس محترم مولوي محمد مقتدا "حفیظ الله" په وینا دغو سیالیو موخه زندانیان د نشه يي توکو څخه ژغورل، تفریح او هغوی ترمنځ د یوې ښې سالمې فضا رامنځ ته کول دي ، څو له یوې خوا زندانیان د خپګان احساس ونه کړي او له بلې خوا ورته د ورزش زمینه برابره شي او پرمټ یې روحي او جسمي روغتیا او سلامتیا ترلاسه کړي.
دغه راز د نوموړې زندان رئیس زیاته کړه چې د ورزش د لا ودې لپاره به په راتلوونکې کې د زندان نظامي پرسونل او زندانیانو ته د ورزش بېلابیل تمرین ځایونه برابر کړي.
صفر المظفر ۲۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
