د ننګرهار ولایت د زندان لپاره نوی نظامي مدیر وټاکل شو
د زندانونو چارو د سمون ادارې عمومي رئیس محترم الحاج مولوي محمدیوسف "مستري" په سپارښتنه، د ننګرهار ولایت د زندان رئیس محترم مولوي سهیل "سعید" له لورې محترم مولوي محمد امین"نظامي" د یاد زندان د نظامي مدیر په توګه د زندان ملکي او نظامي پرسونل ته معرفي او په چارو کې ورته د بریالیتوب هیله وشوه.
داراز، محترم مولوي سعید په دې اړه په جوړو شویو مراسمو کې د نوموړي ولایت د زندان د مخکیني امنیتي مسوول کړنې او فعالیتونه وستایل او د یاد زندان له نظامي پرسونل څخه یې له اوسني مسوول سره د همکارۍ او په ګډه د چارو ښه پرمخ وړلو غوښتنه وکړله.
په ورته وخت کې، د دې زندان نوي نظامي مدیر محترم مولوي محمد امین "نظامي" د زندانونو چارو د سمون ادارې له رهبرۍ څخه پر هغه د باور کولو د مننې ترڅنګ، ژمنه یې وکړله، چې د ادارې له لوري ورسپارل شوي مسولیتونه به په پوره رېښتینولۍ سره ترسره او د زندان د لا ښه امنیت په ساتنه کې به نه ستړې کېدونکې هلې ځلې کوي.
جمادي الثاني ۱۵/ ۱۴۴۶
د مقام د دفتر ریاست
د اطلاعاتو او عامه اړیکو امریت
