د زندانونو چارو د سمون په اداره کې نوې ګومارنې ترسره شوې
د زندانونو چارو د سمون ادارې په وړاندیز او د ا.ا.ا د رئیس الوزرا په منظورۍ په یاده اداره کې نوې ګومارنې ترسره شوې، په دې اړه په جوړو شویو مراسیمو کې د ادارې د پلان او پالېسۍ مرستیال محترم قاري عبدالله"همدرد"، د نظامي معاونیت د ارکان رئیس محترم پاسوال مولوي اسدالله "مولانا"، د ادارې کشف او پراتیفي رئیس محترم مولوي عطاء محمد "محمد"، د خدماتو رئیس محترم مولوي عبدالمالک "خاکسار"، له عدلي او قضایي اورګانونو سره د اړیکو رئیس محترم مولوي عبدالله "حقیق"، د صحیې رئیس محترم مولوي عبداللطیف "سجاد" او یوشمېر نورو مسوولینو هم شتون درلود، محترم قاري محمد ګل "جګرخون" یې د کابل ولایت د توقیقخونو د رئیس او محترم میر محمد "مجدود" د تدارکاتو د رئیس په توګه جلا جلا د ادارې پرسونل ته وپژندل شول.
د زندانونو چارو د سمون ادارې د پالېسۍ او مسلکي مرستیال محترم قاري عبدالله "همدرد" ّد یادو مراسمو ګډونوالو ته په خبرو کې وویل په ادارو کې ادلون او بدلون یو اصل دی او د چارو د ښوالې او پرمختګ لپاره په ادارو کې تغییر او تبدیل راځي.
داراز، نوموړي د کابل ولایت د توقیفخونو او تدارکاتو پخوانيو رئیسانو څخه مننه وکړه او د هغوی تېر خدمتونه او لاسته راوړنې یې وستایلې او له نویو رئیسانو څخه یې وغوښتل چې د اداري چارو د ښه پرمخ وړلو لپاره د هر راز نه ستړې کېدونکې هلوځلو څخه دریغ ونه کړي.
همدا راز، په دندو نویو ګمارل شویو رئیسانو په خپلو خبرو کې وویل زمونږ موخه منسب نه بلکې خپلو هېوادوالو ته خدمت کول دي، نو په دې برخه کې د مشرانو اطاعت کوو او راسپارل شوي مسوولیتونه به په پوره ريښتینوالۍ او امانتدارۍ سره سرته رسوو او د چارو د ښه پر مخه وړلو په موخه به خپلوهلو ځلو ته دوام ورکړو .
صفر المظفر ۳/ ۱۴۴۵
د مقام د دفتر ریاست
د اطلاعاتو او عامه اړیکو امریت
