د زندانونو چارو د سمون په اداره کې د افر پرانیستې مراسم ترسره شول
نن (شنبې) د زندانونو چارو د سمون په اداره کې د راتلونکي مالي کال لپاره د مرکز او ولایتونو د زندانونو لپاره د غوښې، وچې ډوډۍ، حبوباتو، مېوې او ترکارۍ د افر پرانیستې مراسم چې د دې ادارې د افر پرانېستې ټاکل شوو کمېټو پلاوو او د شرکتونو استازو شتون درلود ترسره شول.
په یادو مراسمو کې، ټاکل شوي پلاوو په خپلو خبرو کې وویل چې دا روان بهیر د اصولو سره سم پرمخ ځي او زموږ هڅه دا ده چې شرکتونه د قانون په رڼا او د کره اسنادو په درلودلو سره د استازو په شتون کې وټاکو.
دغه راز، یاد د افر پرانیستې مراسم چې د دریو کمېټو له لوري رهبري کېدل، د ګډونکوونکو پر وړاندې د افرونو پاکټونه خلاص شول او اړوند کمېټې به د ټاکل شويو معیارونو او اصولو په رڼا کې کړنې ترسره کړي.
همدا راز، د زندانونو چارو د سمون ادارې د تدارکاتو مسوولینو ژمنه وکړله چې ټولې پروسې به د تدارکاتو قانون او کړنلارو پر اساس ترسره کوي ترڅو د اصلاحاتو موخې په عملي بڼه پلي شي.
شعبان المعظم ۱۶/ ۱۴۴۶
د مقام د دفتر ریاست
د اطلاعاتو او عامه اړیکو امریت
