د زندانونو چارو د سمون ادارې یوه پلاوي د پکتیکا ولایت د زندان د صنعتي برخې څخه ارزونه وکړه
د دغې ادارې د عمومي رئیس محترم مولوي محمد یوسف "مستري" په سپارښتنه د ادارې د اقتصادي برنامو او ستراتېژیکو اړیکو رئیس محترم عبیدالله "اخلاص" په مشرۍ پلاوي د پکتیکا، ولایت د زندان له صنعتي برخې څخه ارزونه وکړه.
د پلاوي په وینا، د نوموړي ولایت د زندان د صنعتي برخې له جملې د حرفوي شاپونو، پلورنځایونو، (پي سي او)، میاشتینيو عایداتو او نورو تخنیکي برخو د ارزونې تر څنګ اړوندې نورې ستونزې اورېدلي او غوښتنو ته یې د رسېدنې ژمنه کړې.
همدا راز، نوموړي پلاوي د یاد زندان د صنعتي چارو ارزونه تر ډېره مثبته یاده او د لا نورو ښو خدمتونو د رامنځ ته کولو په موخه یې ورته لازمې لارښوونې وکړې .
جمادي الاول ۳/ ۱۴۴۶
د مقام د دفتر ریاست
اطلاعاتو او عامه اړیکو امریت
