د زندانونو چارو د سمون ادارې په دننه کې د نوي کابل بانک څانګه پرانیستل شوه.
په دې اړه جوړو شویو مراسمو کې د زندانونو چارو د سمون ادارې نظامي مرستیال محترم لوی پاسوال قاري حبیب الله "بدر" د ادارې مالي او اداري عمومي رئیس محترم مولوي عبدالهادي "مالي اخندزاده"، د نظامي معاونیت د ارکان رئیس محترم پاسوال الحاج اسدالله "مولانا"، مالي او حسابي رئیس محترم مشعل "حکمت" او د نوي کابل یو شمېر مسوولینو هم شتون درلود د یادې ادارې په دننه کې یې د پټې پرې کولو سره د نوي کابل بانک څانګه پرانیستله.
داراز، د زندانونو چاور د سمون ادارې نظامي مرستیال د کابل بانک له مسوولینو څخه مننه وکړه چې د دوی غوښتنه یې ومنله او ادارې دننه یې د خپلو بانکي خدمتونو د لا چټکوالي په موخه څانګه پرانیستله.
محترم قاري بدر زیاته کړه چې په دې سره به د زندانونو چارو د سمون ادارې ملکي او نظامي پرسونل به له زیاتو اسانتیاوو برخمن شي او په اسانۍ سره به خپل معاشونه اخلي.
د یادولو ده چې دغه څانګه درې تنه صرافان، یو مدیر او یو مرستیال لري چې دوی به د
د ادارې د پرسونل په خدمت کې خپلې چارې په سم ډول پرمخ وړي.
رمضان المبارک ۲۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
