د زندانونو چارو د سمون ادارې يوه پلاوي د پکتیکا ولایت له زندانه لیدنه وکړه
د زندانونو چارو د سمون ادارې د رئیس محترم مولوي محمد یوسف "مستري" په سپارښتنه، د ادارې د کشف او اوپراتیفي معاون محترم انجنیر عبدالواجد "حمزه" په مشرۍ یو پلاوی پکتیکا ته په سفر ولاړ او هلته یې د یاد ولایت د زندان له مسوولینو سره په لیدنه کې پر اړوندو مسایلو بحث وکړ.
همداشان، پلاوي د د دې ولایت د زندان له مسوولینو سره په بحث کې د چارو ښه پرمخ وړلو او د نوموړي ولایت د بندیانو ستونزو او غوښتنو ته د رسېدنې په اړه د دغې ادارې د رهبرۍ لازمې لارښوونې شریکې کړې.
داراز، د محترم حمزه په مشرۍ پکتیکا ته تللي پلاوي د دې ولایت د زندان له کاري او اداري برخو، تعمیراتي چارو او د پرسونل او بندیانو لپاره د روغتیايي، اعاشوي، اباتوي، د پخلنځي، امنیتي ټاورنه، قراولونه، امنیتي پوستې او نورو اړتیا وړ برابرو شويو توکو او امکاناتو څخه تر ارزونې وروسته، ډاډ ترلاسه کړ.
د یادونې وړ بولو، چې د زندانونو چارو د سمون ادارې رهبري او مسوولین، تل د ازادۍ سلب د ټولو مرکزونو د ارزونې او په ترڅ کې یې د لاسته راوړنو تقویت او د ستونزو حل خپل مسوولیت ګڼي او په دې برخه کې، ورته کوښښونو ته دوام ورکوي.
ربیع الثاني ۳/ ۱۴۴۵
د مقام د دفتر ریاست
د اطلاعاتو او عامه اړیکو امریت
