د زندانونو چارو د سمون ادارې يوه پلاوي د لوګر او پکتیا ولایتونو له زندانونو څخه لیدنه وکړه
د زندانونو چارو د سمون ادارې د رئیس محترم مولوي محمد یوسف "مستري" په سپارښتنه، د ادارې د د څارنې او ارزونې ریاست د فعالیتونو او ارزونې امر محترم احسان الله "هوتک" په مشرۍ یو پلاوی لوګر او پکتیا ولایتونو ته په سفر ولاړ او هلته یې د یادو ولایتونو د زندانونو د تطبیقي او تفصلي پلانونو څخه څارنه او ارزونه ترسره کړه.
داراز، پلاوي د نوموړو زندانونو ټولې اداري او تخنیکي چارې ارزولي او د زندانیانو د ستونزو حلولو، لازمو اسانتیاوو برابرولو او روا غوښتنو ته د رسېدنې په اړه يې معلومات راټول او له هغوی سره یې ژمنه وکړه ، چې د زندانونو چارو د سمون ادارې رهبري به پرې خبروي، څو یې په مرکز کې حل لاره پیدا او په اړه یې مناسبه پرېکړه وشي.
په پای کې، د نوموړي پلاوي له لورې د یادو زندانونو کارکونکو ته یو میاشتیني او ربع وار فارمټ راپور په اړه د عامه پوهاوي سیمینار هم ترسره شو.
ربیع الاول ۲۲/ ۱۴۴۵
د مقام د دفتر ریاست
د اطلاعاتو او عامه اړیکو امریت
