د زندانونو چارو د سمون ادارې نظامي مرستیال د دې ادارې د مرکز کابل او (۳۳) ولایتونو د زندانونو رئیسانو، مرستیالانو او امرینو ته د زندانونو د رهبرۍ، اداري نظم او د زندانیانو د سالمې ساتنې په موخه د (۱۵) ورځیني سمینار له بهیره لیدنه وکړله
محترم لوی پاسوال قاري حبیب الله "بدر" په داسې حال کې، چې د یادې ادارې د نظامي معاونیت د ارکان رئیس محترم الحاج پاسوال اسدالله "مولانا" د ښوونې او بیا روزنې رئیس محترم مولوي نظر محمد "ناصري" او د مرکز او ولایتونو یو شمېر رئیسانو، امرینو او د نظامي برخې مسوولینو شتون درلود، سمینار له بهیره د لیدنې پرمهال ګډونوالو ته په خپلو خبرو کې وویل؛ نوموړې اداره تل هڅه کوي، چې د زندانونو مسوولین او نظامي پرسونل په مسلکي توګه وروزي څو چارو او ستونزو ته پر وخت او ښه توګه رسیدنه وشي.
محترم لوی پاسوال قاري حبیب الله بدر د سمینار ګډونوالو ته په خپلو خبر وویل: « له ترلاسه کړو زده کړو او تجربو څخه په ګټې اخیستنې زندانیانو سره ښه چلند، نېک اخلاق، صبر او استقامت څخه کار واخلئ او د هغوي په ذهنیت کار وکړئ څو دا دې سبب شي چې هغوی خپلو له تیرو ناروا کړنو پېښمانه او راتلونکې کې د یو عالم، حافظ، ښوونکي او ګټور وګړي په توګه کورنۍ او ټولنې ته د خدمت وړ وګرځي».
د یادونې وړ بولو، چې دغه سمینار به پنځلس ورځې دوام وکړي او د نوموړې ادارې اړوند مرکزي ریاستونه به په خپل وار سره خپلې کړنې او تجربې له ګډونوالو سره شریکې او په دې برخه کې به هراړخیز معلومات وړاندي کړي.
صفر المظفر ۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
