د زندانونو چارو د سمون ادارې سرپرست او د پالېسۍ او مسلکي چارو مرستیال د مرکزي زندان د ځینو برخو څخه لیدنه وکړه
د زندانونو چارو د سمون ادارې سرپرست او د پالېسۍ او مسلکي چارو مرستیال محترم قاري عبدالله همدرد په مشرۍ او د نظامي چارو د معاونیت د ارکان رئیس محترم الحاج پاسوال اسدالله "مولانا"، د عدلي او قضايي ارګانونو سره د اړیکو رئیس محترم مولوي عبدالله "حقیق" او د پالېسۍ او مسلکي چارو معاونیت د دفتر امر محترم خلیل الله "بکتاش" په ملتیا يوه پلاوي د مرکزي زندان ځېنې برخو وضعیت وارزاوه او له مسوولینو سره یې پر اړوندو مسایلو سلا مشورې او خبرې اترې وکړې.
همداراز د ګومارنو، تشکيلاتو او د چارو د تنظيم کمېسیون پرېکړې پر بنسټ د ادارې سرپرست او د پالېسۍ او مسلکي مرستیال محترم قاري عبدالله "همدرد" او مل پلاوي د شکایاتو د صندوقونو نصبولو محلځایونه مشخص کړل او ادارې تعمیراتو ریاست ته یې دنده وسپارله چې د سنګر دروازې، توقیفخونې، ښځېنه محبس، مرکزي محبس، کانتینونو، د کابل ولایت د ماشومانو د اصلاح او روزنې مرکز او نشه یي توکو پروړاندې د مبارزي توقیفخونې کې یاد صندوقونه ولګوي .
تر هغې وروسته، د ادارې سرپرست او مل پلاوي زندان ته د پیوازۍ بهیر له نږدې وکوت او د هغوی خبرې، ستونزې او غوښتنې یې واورېدې او حل په موخه اړوندو مسوولینو ته لازمې لارښوونې وکړې.
د یادولو ده چې د زندانونو چارو د سمون ادارې رهبري او مسوولین په دوامدار ډول د هېواد د ټولو ولایتونو د زندانونو او توقیفخونو د وضعیت ارزول، د مثبتو چارو غښتلتیا او ستونزو ته یې پروخت رسېدنه خپل مسوولیت ګڼي او په دې لاره کې خپلو هڅو ته دوام ورکوي.
ربیع الاول ۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
