د زندانونو چارو د سمون ادارې سرپرست او د پالېسۍ او مسلکي چارو مرستیال د ادارې د یو شمېر ریاستونو له مسوولینو سره د داخلي او نړیوالو بنسټونو د مرستو او همکاریو د جذبولو او ښې همغږۍ په موخه ناسته ترسره کړله
په ياده ناسته کې د زندانونو چارو د سمون ادارې سرپرست او د پالېسۍ او مسلکي چارو مرستيال محترم الحاج محمد کاظم "طارق" په داسې حال کې چې د ادارې د مالي او اداري عمومي رئیس محترم مولوي عبدالهادي "مالي اخندزاده"، د ادارې حقوقي مشاور محترم قاري عبدالله "همدرد" او یو شمېر نورو رئیسانو هم شتون درلود د زندانونو چارو د سمون ادارې لپاره د داخلي او نړیوالو بنسټونو د مرستو او همکاریو د جذبولو او ښې همغږۍ په موخه خبرې اترې وکړې.
د نوموړې ناستې په ترڅ کې یو شمېر ګډونوالو هم په اجنډا کې د شاملو مهمو مسایلو په اړه خپل نظرونه تبادله کړل، چې د زندانونو چارو د سمون ادارې سرپرست او د پالېسۍ او مسلکي چارو مرستيال له خوا یې تر اورېدو وروسته په هکله د شرعي اصولو او تقنیني اسنادو له مخې لازمې پرېکړې وشوې.
شوال المکرم ۲۶/ ۱۴۴۶
د مقام د دفتر ریاست
د اطلاعاتو او عامه اړیکو امریت
