د زندانونو چارو د سمون ادارې سرپرست او د پالېسۍ او مسلکي چارو مرستیال د ادارې د مالي او حسابي ریاست او د فرمانونو او حکمونو د پلي کولو امریت چارې وارزولې
د دغې ادارې سرپرست او د پالېسۍ او مسلکي چارو مرستیال محترم الحاج محمد کاظم "طارق" په مشرۍ پلاوي په داسې حال کې چې د پالېسۍ او مسلکي چارو معاونیت د دفتر امر محترم خلیل الله "بکتاش" او یو شمير نورو مسوولینو یي هم ملتیا کوله د زندانونو چارو د سمون ادارې د مالي او حسابي ریاست او د فرمانونو او حکمونو د پلي کولو امریت له مسوولینو او کارکوونکو سره وليدل او د هغوی د کړنو، لاسته راوړنو، ستونزو او غوښتنو په تړاو یې معلومات ترلاسه کړل.
په ورته وخت کې، پلاوي د دې ارزونې په ترڅ کې د یاد ریاست او امریت له اداري شعباتو څخه هم لیدنه وکړله او د کارکوونکو له منظم کاري پلان څخه یې خوښي څرګنده کړله.
داراز، د مالي او حسابي رئیس محترم مشعل"حکمت" او د فرمانونو او حکمونو د پلې کولو امر محترم مولوي شهیدالله "خالد" د زندانونو چارو د سمون ادارې سرپرست او د پالېسۍ او مسلکي چارو مرستیال په ورتګ خوښي څرګنده او ژمنه یې وکړله چې پر وخت سره به د اصولو او تقنیني اسنادو مطابق چارې او ورسپارل شوي مسوولیتونه مخته وړي.
دغه راز، د پالیسۍ او مسلکي چارو مرستیال محترم الحاج طارق په وينا، د ادارې د اړوندو برخو له ارزونې څخه یې هدف د اصولو مطابق د چارو ښه پرمخ وړل، د اصلاحاتو راوستل او د کارکونکو ستونزو او وړانديزونو ته په وخت رسېدنه ده.
شوال المکرم ۲۶/۱۴۴۶
د مقام د دفتر ریاست
د اطلاعاتو او عامه اړیکو امریت
