د زندانونو چارو د سمون ادارې رهبرۍ پلاوي، د فرمانونو او حکمونو د تعقیب او څارنې لوی ریاست پلاوي سره ولیدل
د زندانونو چارو د سمون ادارې عمومي رئیس محترم مولوي محمدیوسف "مستري" په داسې حال کې، چې د دې ادارې د پالېسۍ او مسلکي چارو مرستیال محترم قاري عبدالله "همدرد"، د نظامي چارو مرستیال محترم لوی پاسوال قاري حبیب الله "بدر"، د مالي او اداري عمومي رئیس مولوي عبدالهادي مالي "اخندزاده"، د مقام د دفتر رئیس محترم عبیدالله "اخلاص"، له عدلي او قضايي اورګانونو سره د اړیکو رئیس محترم مولوي عبدالله "حقیق" او پالېسۍ او مسلکي چارو معاونیت د دفتر امر محترم خلیل الله "بکتاش" هم شتون درلود، د ا.ا.ا. د عالیقدر مشرتابه(حفظهالله) د فرمانونو او حکمونو د تعقیب او څارنې له لوی ریاست څخه راغلي پلاوي سره په خپل کاري دفتر کې ولیدل.
یاد پلاوی د امیرالمؤمنین شیخ الحدیث مولوي هـبةالله "اخندزاده" (حفظهالله) ۱۴۱۲ ګڼه حکم ۱۴۴۵/۲/۱ نېټې د توشیح شوي فرمان پر اساس، محترم مولوي محمد بشیر "رحیمي" په مشرۍ څو کسیزه پلاوي معرفي شوي وو چې د زندانونو چارو د سمون ادارې د فرمانونو احکامو د تعقیف او نظارت په اړه خپلو څارنو او راتلونکو پلانونو راپور يې د یادې ادارې له رهبرۍ سره شریک کړ.
په دې ناسته کې د زندانونو چارو د سمون ادارې عمومي رئیس نوموړي پلاوي ته خبرو کې وویل چې د ا.ا.ا د عالیقدر مشرتابه (حفظهالله) له لخوا راغلو فرمانونو څخه مو تل اطاعت کړی او د تطبیق په برخه کې یې هر راز مرستو او همکاریو ته چمتو یو.
همدا راز، محترم مولوي مستري زیاته کړه،«ا.ا.ا له خوا چې موږ ته کوم فرمانونه، حکمونه او هدایات رارسېږي دغه اداره یې پر خپل وخت اجرات کوي او راپور یې اړوندو مراجعو ته رسوي».
صفر المظفر ۱۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
